Qalqimiznin vaziyeti Qirim'da aruv tugul. Sindi ne qadar bizim qollarimizga kelse de qalqimizniun problemleri aqqinda butun milletlerara teskilatlarga haberci bolmaq borcliymiz.
Ukrayna en yuksek seviyelerinde Cumhurbasqan, Bas baqan, Parlamento Baqanin ve cesit parti, siyasiy kuclerinin ve oligarhlarin aradaki qavga devam eteyatir. Lakin qalqimizniun qiziqlari ve aqlariolardan ickimse tanimaq ve yerine ketirmek istemiy.
Butundunya Qirim Tatar Kongersi bir rol oynay edi lakin iste butun qalqimiznin kuvvetleri ciymaq yerine kene de bugunki Milli Meclis ve Qurultay (demek) politiqasinin razi bolgan teskilatlarina kongreske istiraq etmege ruhset bereler. Kim? Kene de meclis qarari bar. Bugunki meclis onin secim nizamlarina kore 150 000 Qirim Tatar saylavcilarina ragmen sadece 62 000 temsil ete. O da resmi. Iste 62 000 da yok cunki Qurultay secim zamani su secim vesiqalarda kobise sahte rakamlari ve malumatlari yazildi. Demek Qalqimiznin belli azligini temsil etken organ butun qalqni ve butun diasporamizni uz ayagin asasina alip
basmaq istey.
Iste bu Milletimiznin birligi uretmez ve frayda yerine balabn bir zarar ketirir. Ne day anlatirman. Sonki yillari meclisnin yetekeceleri bizim qalqimiznin tarafindan ciqqan protestolari, numaisleri, talablari toqtatmaga Ukrayna polisi kibik tirisa. Oni anlamaq mumkun cunki meclisnin azalarinin kobise devlet vazifeleri, milli vekilleri, yeral yunetim memuralri ve ayni kisiler bolarak calisalar. Ayni zaman emaylik, em de vazife devletten algan soylari. Ayni zaman devletin aldinda sorumli, em devletqa anit resmi etken ve qol qoygan kisiler. Ayni zaman devlet tarafindan em muvafakiyat em de (tabi bolmasa edi) ceza alacak kisiler. Ayni zaman qalqimiznin 1\3 da tugul ayatta en kob 6\1 temsil etken bir gruptir.
Qalqimiznin memnunsizligi saqlamaq ve basmaq icun devamli calisalar lakin basqa bir problem mayadanga ciqti.
Istesen itemesen bizim diasporamiz ve uluslarara teskilatlar bardir. Ukrayna devleti DTT (Dunya Ticaret Teskilati), NATO'ga, Avrupa Biriligine kirmek bek istey. Su teskilatlarin azaligina kirmek icun o devletinin icinde bek buyuk siyasiy ve Insan Aqlari problemeleri bolmamaq kerek. Ukrayna icinde cezilmegen ve Ukrayna tarafindan konulli cezilmeyecek Qirim Tatar problemi bardir. Barmi yoq mi Ukrayna'ga mesele tugul.
Mesele basqa. Eger Milletlerara Institulari o problemi aqqinda belmese, ya onin kiskinlgi ve ulcesini anlamasa (iste kickene bir problemcik dep tusunse) Ukrayna'ga su teskilartlarinen em dialog tutmaq mumkun, em de kredileri almaq mumkun, em de yaqin perspektifte olarga aza bolaraq kirmek mumkun. Bu yolni acmaq icun Qirim Tatarlarin icbir tarafindan o teskilatlarga malumat kelmesin Ukrayna devleninin kontroli asasinda bolgan qaynaqlardan haric Ukraynanin buyukten buyuk keregi ve telegi bardir.
Lakin Qirim Tatar teskilatlarinin ve aktivistlerinin arasinda butunisi Ukrayna avizina qaramaylar meclis dayin ve milletlerara kamoyuna hakiqat ve kercek malumatlari bereyatir. Diasporamizda kene erkes Ukrayna devleti ya onin memuri bolgan meclis kibik milletlerara teskilatlarni aldatmay bazi zaman ya Qirim Tatarlarga qarsi basuv politiqasini aqqinda ya, topraqsizlastirmaq politiqasi aqqinda, ya Qirim Tatar tili yoq etmeq Ukrayna politiqasi aqqinda rapor bereler.Ukrayna devletine icun eger diasporamiz Avrupa yani Amerika'da "Ukrayna!Qirim Tatar qalqinin aqlari yerine ketir ya keri ber!" siarlarnen numaislerge ciqsa en tahlekeli seydir.
Yillarca boyle bir sey imkansiz edi. Lakin yavas yavas ne qadar yasayis alga kete em Qirim'da yasagan vatandaslarimizga em de diasporamizga Ukrayna devleti Qirim Tatarlarni etnik kimligi dayin yoq etmek tirisa dep anlasila bolayatir. Demek Ukrayna develetinin sonki zaman birqac ihtiyaclari peyda boldi:
1. Qirim icinde Qirim Tatarlarin protestolari basip Qirim Tatar tarafindan mukavimeti yoq etmek,
2. Su protestolarin aqqinda Ukrayna'dan tis dunyasina
malumati berdirmemek,
3. Kercek malumati yerine Qirim Tatarlar Ukrayna'da
cecekleney dep saht malumati darqitmaq,
4. Qirim Tatar diasporasini ustunde Ukrayna devletinin qollina kontrol almaq ve tis politiqasinda Qirim Tatar diasporasinin tarafindan Ukrayna etnosid politikasina qarsi protestolari ve malumatlarin darqitmasi onlemek.
Boldi.
Bu maqsatqa citmek icun Ukrayna'ga eki polismen kerektir. Bir dane bar zaten. Bu bugungi meclistir. O Qirim Tatar tarafindan ne secilgen ne temsil ettmege aq algan organdir. Irkane kobise Ukrayna devletine ant etken, devletten para ve muvafakiyat algan, devletinin gorevleri bolgan, develtine sorumli kisilerinden ibarettir.
En onemli sey meclis tisinda calisqan teskilatlar ve aktivistler mecliske boysinsilar, meclis ruhsetsiz bir areket etmesinler. Bu ic polisi.
Ekinci polisini tuzemek kerek daha.
Qirim Tatar diasporamiznin teskilatlari ve aktivistleri meclis kontroli asasinda yer algan bir organga cagirtmaq ve sikmaqktir. Bu Butun Dunya Qirim Tatar Kongresi bolacaqtir. Su Kongresnin basqani Musta Cemilev ya onin tarafindan tayan etilgen bir kisi bolacaqtir. Kongres bitken son butun delegeler uzmemleketlerge qaytacaqlar. Amma Kongresinin basqan erkeske emir berecek: "buni yapin, buni yapmayin! Emin boliniz Qirim'da kibik onin emirleri kobise "yapmayin" bolacaq. "Biz minda Qirim'da sizge kore vaziyetimizni daha yahsi belemiz! Siz kob seyler anlamaysiz! Bu sebepli kob soylemeyiniz bizim aytqanimizni yapiniz" dep anlatacaq. Boyle politikasinin razi bolmaganlaraga " Ana! Biz Butun Dunya'daki Qirim Tatarlar'dan bizim etkimizni aldiq faqat bu aptallar bizim aytqanimizni tutmaylar olarnin menligi icun" dep soylenecek.
Demek Ukrayna devletine qaysi bir zaman bizim diasporamiznin faaliyetleri toqtatmaq ya kesmek kerek ise su devlet Mustafa Cemilev'ke ya onin muavine talimat berecek ve Kongre adindan oni yaptiracaq. Bu Ukraynanin tis polisi bolacaqtir.
Elbette Butun Dunya Kongresi diasporamiz yillarca bekley edi. Bunin icun erkes ona kelmek ve qatnasmaq istey. Lakin meclisnin basqanlari kene de yillarca bu meseleden vazgece ediler. Sadece sonki yil razi boldilar ve aktiv bolaraq oni teskil eteler. Ne icun? Cunki Qirim'da Qirim Tatarlarin tarafindan olarga isanci tusti. Meclis Qirim'daki Qirim Tatarlarin coqliginin tarafindan destek almay. Diasporamiz ne
qadar bizim problerimizni yaqinca zan ete ama da minda dayima yasamagan sebepli kob incilekleri anlamay. "Ana! Umutimiz kerceklese!" dep kele. Ve Ukrayna devletinin qapqanina tuse.
Meclis diasporamizni aldatmaq icun uz muracaatinda "butun teskilatlar kelsin!" dep yaza. Amma Ukrayna teskilatlarina sadece "Meclis ve Qurultay qaralarini tanigan" teskilatlari kelsin dep cagira. Necun? Cunki bugungi meclis ve qurultayin qaralari tanimaq Qirimn Tatarlarin kickene azliginin Qirm Tatar qalqinin kobliginin ustende idaresine razi bolmaq ve qabul etmek demektir. Anlasila bir sey Qirim'da yasagan Qirim Tatarlarinin kobligi onin qabul etmez. Meclisin ona umiti yoq. Lakin diasporamiz meclisin daveti ile kelse ve vazieti anlamadan meclis ve en onemli Ulrayna devletinin iligine basini siqsa Ukrayna devletinin pilani Qirim'da Qirim Tatarlari yavas ve sessiz yoq etmek butun dunyanin susliq bolganda kerceklesir.

Nadir Bekir,
Aq-Mescit